കാമപുരത്തു ശ്രീ ശങ്കരനാരായണ ക്ഷേത്രവും ചലിക്കുന്ന കൽവിളക്കും

                       

ആലപ്പുഴ ജില്ലയിലെ കരുമാടി എന്ന,പ്രകൃതി ഭംഗിയാൽ അനുഗ്രഹീതമായ ഗ്രാമം. അവിടെ അമ്പലപ്പുഴ അമ്പലത്തേക്കാൾ പഴമ അവകാശപ്പെടുന്ന, നമ്മെ അമ്പരപ്പിക്കുന്ന ഒരത്ഭുത പ്രതിഭാസം ഉള്ളിലൊതുക്കി സ്ഥിതി ചെയ്യുന്ന ക്ഷേത്രം.

                                  ഇവിടുത്തെ പുരാതനമായ, ഏതാണ്ട് പതിനഞ്ച് അടിയോളം ഉയരമുള്ള കൽവിളക്ക് കുറേശ്ശെ ആയി ചലിക്കുന്നു എന്നാണ് കരുതപ്പെടുന്നത്.

പഴമക്കാരുടെ ഓർമ്മയിൽ ഈ കൽവിളക്ക്

ക്ഷേത്രനടയുടെ തൊട്ടു മുന്നിൽ തന്നെ ആയിരുന്നത്രെ.

എന്നാൽ ഇന്ന് അത് ഏതാണ്ട് നാല് അടിക്ക് മുകളിൽ മുന്നിലേക്ക് നീങ്ങിക്കഴിഞ്ഞു.ഇത് ചരിത്ര ഗവേഷകരും ഭൗമ ഗവേഷകരും സാക്ഷ്യപ്പെടുത്തുന്നുമുണ്ട്.

ടിപ്പുവിന്റെ പടയോട്ടകാലത്ത് ഇവിടെ ഉണ്ടായിരുന്ന സ്വർണ്ണക്കൊടിമരം നഷ്ടപ്പെടാതിരിക്കുവാനായി ദേശക്കാരുടെ നേതൃത്വത്തിൽ അതിനെ മണ്ണിൽ കുഴിച്ചിടുകയും അതിന് മുകളിൽ ഈ കൽവിളക്ക് സ്ഥാപിച്ചു എന്നുമൊരു കഥ ഈ നാട്ടിലെ പഴമക്കാരുടെ നാവിലുണ്ട്.

                  ഈ കൽവിളക്ക് എന്ന് നീങ്ങി നീങ്ങി എതിർവശത്തുള്ള യക്ഷിയമ്പലത്തിൽ എത്തുമോ അന്ന് മണ്ണിനടിയിൽ നിന്ന് ആ സ്വർണ്ണക്കൊടിമരം ഉയർന്നുവരുമെന്ന് ദേവപ്രശ്‌നത്തിൽ തെളിഞ്ഞിട്ടുണ്ടത്രെ.