ഇടയ്ക്കെങ്കിലും ഒന്ന് ഓടിപ്പോകണം....
എന്റെ ചുറ്റിലും നിന്ന്,
എന്റെ തിരക്കുകളിൽ നിന്ന്...
അങ്ങ് ദൂരേക്ക്,
ആരും അറിയാതെ..
ആരും കാണാതെ..
എന്നിലേക്ക് മാത്രമായി...
അവിടെ കാറ്റിന്റെ ഇരമ്പൽ നേർത്ത് നേർത്ത് ഇല്ലാതാകും....
കരിയിലകൾ മണ്ണിലേക്ക് അമർന്നു കിടക്കും..
പക്ഷികൾ മെല്ലെ മയക്കത്തിലേക്കമരും,
ഇലകൾ നിശ്ചലരായിരിക്കും....
തടാകത്തിലെ ഓളങ്ങൾ സ്വപ്നം കണ്ടുറങ്ങും ....
സൂര്യൻ അങ്ങകലെ,
ആ മലയുടെ മടിയിലേക്ക് തളർന്നു വീണുമയങ്ങും .....
അപ്പൊൾ വേണം, എനിക്ക് എന്നെ, എനിക്ക് മാത്രമായി,
ആ രാത്രി മുഴുവൻ.....
No comments:
Post a Comment