പാതയോരപ്പൂവുകൾ

നടന്നീടുന്നു ഞാൻ ഈ പാതയോരങ്ങളിൽ
വാകമലരുകളേ നിങ്ങളെയുഴിയും മിഴിയുമായി
എന്നേക്കുമായകന്നൊരു സുന്ദരവദനം തേടി

എന്നോ തന്നൊരു വാക്കല്ലേയിത്
വന്നിടും നീ തിരികെ എന്നരികിൽ
ഞാൻ വന്നിടുമാ പാതയോരങ്ങളിൽ
എൻ പാദങ്ങൾ നിന്നെ തിരയുന്നിടങ്ങളിൽ
പൊഴിയും വാകപ്പൂവുകളായി

വിടപറഞ്ഞകന്നൊരാ പള്ളിയങ്കണത്തിലും
നീയുറങ്ങുമാ വെൺ കല്ലറച്ചോട്ടിലും
വരികയില്ല ഞാൻ ഒരിക്കലും
നിൻ ഓർമ്മദിനത്തിലെങ്കിലും

എങ്കിലും വന്നിടുമെന്നും
നാം നടന്നു പോയയൊരാ പാതയോരങ്ങളിൽ
എൻ നെറുകയിൽ പൊഴിയും
വാകപ്പൂവുകളിൽ
കാണുവാൻ
നിൻ സ്മിതം എന്നെന്നും